U Montri Rangbah ka jylla, u Conrad Sangma hawa wanrah ya ka mang tangka 2022-23 ynne ka sngi da pyntip u wa ka ‘Jal Jeevan Mission’ kawa man ka Scheme pynpoi umkor, da man ko kawa da ye u pynkrehkaam bha hapoh ka jylla heiwa da ye wow pynpoi umkor cha ki 2.1 lak tylli ki manyung du hapoh ar snem. Wei ka sorkar jylla daw pynlut ko T. 2,000 klur neibynta u snem 2022-23 neibynta kani ka Scheme.
Da ong u wa hajrong kani da sñiawskem u wa ha u Wisu (Mar), 2023 daw ye u pynpoi umkor sa cha ki 3 lak tylli ki manyung.
Da ong u leh ka sorkar da yaleh ko wow pyndep ya kiwa boon ki kreh pynpoi umkor kiwa dang sah kam ka Greater Shillong, Nongstoin, Raliang, Rymbai wa Ampati.
Da pyntip u wa i chna ya ka Gravity-Main ka Tura Water Supply Scheme waka Greater Sohra Water Supply Scheme toh kawa da pyndep. I chna ya ka Baghmara Water Supply Scheme leh toh kawa da jan dep.
Neibynta u 2022-23, i chna pynheh ya ka Water Supply Scheme ha Tura, Shangpung, Mawkyrwat, Umlyngka wa Pynursla daw leh noh hei dor wa T. 150 klur. Wei dang boddien waka sorkar India yow pynlait poisa neibynta ka Williamnagar Water Supply Scheme.
