15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

T. 3.36 klur neibynta wow chna pynmiat ya u sarok Pomlakrai-Rngi Shillong

Advertisement ad1

U Lambor Malngiang uwa man kam u MLA, MDC wa u Chairman ka Meghalaya State Planning Board, chirup wei emlang u Gavin M Mylliem, MLA ka Sohra Constituency, ynne da booh moooyurim u neibynta wow pynku kyrdan ya u sarok Pomlakrai – Rngi Shillong Road.

Ya uni u sarok daw chna pynmiat lyngba ka poisa wa yoh yarap na ka World Bank hei lut iwa T. 3.36 klur heiwa i kreh u kynthup i ya i pynheh, siang moo wei wow siang psiang wei uni u sarok jrong u kamwa 1.900 km.

Advertisement ad1

Neiliang u Lambor, da ong u wa ka Pomlakrai man ko ka chnong kawa da chah ieh beiñ da slem bha wei da toh i por wow kreh neibynta ki paidbah ka thaaiñ deiwa kyntu leh ya waroh khamtam ki paidbah ka chnong wow kreh chirup khnang wow ye u pynlai bait ya i kreh. Da pyntip u leh wa katni dang kreh neibynta ka PHC ha Pomlakrai Pyllun khnang wa ki paidbah ym emkaam de ki wow lai chadooh Pomlum PHC.

Neiliang u Gavin M Mylliem da yaroh u ya i kreh u Lambor khamtam neibynta wow kreh ya u sarok Laitkor-Pomlakrai-Laitlyngkot.

Ha kani ka sngi da emlang leh ki sahep ka PWD, ki Rangbah Shnong wa ki Executive Member ka Pomlakrai Dorbar Pyllun.

Share this:
Previous

Lai e yarap ka DBT-IBSD ya ka Carmel School, Sadew

Next

Neidaw wa jan ka Civil Hospital, pyrchah ka KHNAM ya i thmu wow chna Shopping Mall ha Barik