15 49.0138 8.38624 1 0 4000 1 https://wyrta.com 300 0
Advertisement ad1

T. 3.74 Lak yoh ka sorkar na ka bai psiah ha ka tamasa Cherry Blossom wa 4 sngi

0 Comments

Shillong: Ha kani ka Cherry Blossom Festival wa dang dep pynman ha Shillong neiliang ka sorkar da pyntip ko wa ha kani ka sien wa ar wa pynman ya kani ka tamasa ki paidbah wa wan sakhi ya ka da ku ki le chah na u snem wa dadep.

Kani ka tamasa wa pynman nadooh ka 8-11 tarik uni u bnai ha Nan Palok wa ha madan Polo man ko leh du kam ka hi wa em hapoh ka ri heiwa ki paidbah da wan ki wow sakhi ya ki syntu Cherry Blossom kiwa mih boon ha Nan Palok wa kiwi ki thaw ha Shillong.

“Da em kamwa 35,556 ngut ki waheh wa 1,343 ki khynnah wa wan cha Nan Palok ha ki 4 sngi wa pynman ya kani ka tamasa wei da yoh T. 3.74 Lak kam ka bai psiah,” da pyntip u State Forest and Environment Secretary u A. Mawlong.

Da ong u leh wa ynnin u snem ka poisa wa mih na i bai psiah da poi ko T.1.4 Lak.

Neiliang ka seiñ Bio-Resources and Sustainable Development (ISBD) kawa krehlang waka sorkar wow pynman ya kani ka tamasa da ong ki wa ha madan Polo da poi ki bru waroh 60,000 ngut ha ki 4 sngi heiwa ynnin u snem waroh ki bru wa poi toh 20,000 ngut.

Ya kam kani ka jait tamasa da pynman leh ha kiwi ki ri kam ka Japan, USA, Switzerland wa ha Korea.

0 Comments

Leave a Reply