U Montri Rangbah ka jylla, u Conrad K Sangma ha ka 23 tarik da e kti u ya 2000 tylli ki khon sñiang cha ki 500 ngut wa yoh myntoi hapoh ka “PROGRESS” lyngba ka Rural Backyard Piggery Scheme.
Ha kani ka sngi da pynman ya ka yalang ha Raksamgre heiwa da lehkmen yei jop ka Scheme “FOCUS” wei da sdang leh ya ka “Focus+” hapoh ka Raksamgre Sub-Division, West Garo Hills heiwa da e kti ya ki khon sñiang wa ki Cheque cha ki seiñ ki warep namo ki Producer Groups wa ki FOCUS+ Cards.
Da e kti leh ya i yarap poisa cha ki khynroo hapoh “YESS Meghalaya” Programme.
Hawa e yei klam u Conrad da ong u wa lyngba ka FOCUS Programme wa ka FOCUS+ ka sorkar u yaleh ko wow e yarap cha waroh ki manyung ha ki thaaiñ palatsor ka jylla.
Da ong u wa ha ki chi snem chiteiñ da em 25,000 tylli ki Producer Groups (PGs) wa da sdang ha ka jylla hapoh ka FOCUS Programme wei da e T. 125 klur cha kiwa toh u yoh myntoi.
Da pynche u leh wa kani ka poisa ym toh ka ram tangwa kawa da e hi da ka sorkar yow yoh myntoi ki warep.
Ha kani ka sngi da e kti ya ki Cheque wa T. 33.90 lak cha ki Farmer Producer Groups wei ki bru samen leh da yoh yarap ki na ka FOCUS+. Deilang kini ki ar tylli ki Scheme daw yarap poisa ki T. 10,000 cha ki manyung wa im nei rep.
Ha kani ka sngi leh da e yarap cha ki SHG ki kynthai hei dur ka Community Investment Fund. Da em leh 5 tylli ki Village Organisation kiwa da yoh T. 5.80 lak wei da em leh 21 tylli ki seiñ khynroo kiwa da yoh ya ki Cheque kiwa da poi waroh T. 9 lak hapoh ka YESS.
