U montri rangbah ka jylla, u Conrad K Sangma ynne da khut yalang u ya ki Deputy Commissioner ka jylla wa ki sahep ki chnat krehkaam ka sorkar wow pyrkhat hajrong ka Sustainable Development Goals (SDG) ka jylla Meghalaya.
Neiliang u Conrad da ong u wa ka thong wow poi cha ka SDG da e cha waroh ki jylla heiwa ka Niti Aayog da booddien ko yei pynkrehkaam ya ka ha waroh kawi ka ri.
Ka SDG man ko leh kam kawi na ki thong krehkaam ka United Nations wa da mang neibynta ki ri heiwa daw bichaar yei man i long ki ri heiyatoh wa i yoh i la, i stat i tip, i yada ya ka rymaw wa kiwi kiwi.
Kamtæ kam chibynta wow pynku kyrdan ya ka ri ha kani ka SDG, ka sorkar pyrdi da chimkhia ko wow booddien yeini khnang wow ye u pynman ya ki jylla ka ri wow man ki kiwa salonsar namo yaryngkat liang wanang.
U Conrad da ong u wa ha Meghalaya ya ka SDG ha waroh ka jylla ye leh wow pynkrehkaam ya ka katkam i emkaam ki District.
Ka thong yong ka yalang ynne ka sngi toh wow pyntikna wa waroh yoh myntoi ki deiwa pyntikna wa ki DC kreh ki wow pynku ya ka jylla waroh kawi.
Da ong u leh wa da booh thong wow booh kyrdan namo Ranking ya ki District deiwa e yarap ya ki T. 50 lak wow pynchlur u pynkrehkaam ya ki kaam wa kiwi ki thong krehkaam wow pynku kyrdan ya ka jylla. Kamtæ da yooluti wa deiwa booh kiwon kiwa poi chakhmat wa kiwon kiwa poi chadien daw pynsmat ko wow poi cha ka thong.
