U Montri wa pait ya ka chnat Taxation ha ka jylla, u James PK Sangma da ong u wa hadooh T. 70.65 klur ka dan wa ka chnat ympu yoh ko na ki Petrol Pump nadooh u snem 2017 hadooh 2021.
Ya ini da jubab u yeiwa kylli u MLA ka Congress na Umroi, u George B Lyngdoh ynne ka sngi ha ka Yung Dorbar.
Da ong u leh wa ha u snem 2017-18 ka chnat dang toh u yoh ko T. 29.24 klur, 2018-19 T. 8.49 klur, 2019-20 T. 12.71 klur wa ha u snem 2020-21 T. 20.21 klur na i dai Petrol wa Diesel.
Neiliang u George da ong u wa ka sorkar hap ko wow pyntikna wa kani ka poisa wa da pynyoo da ki Petrol Pump wa hap u su ki neiwa dai toh kawa man sakhiat iwa ye u man wa pynyoo ki da iwa duna yow lait ki wow su chiboon.
Neiliang u James da pdiang u ya ini i tyrwa u George.
