Tam ka Congress ha Shillong, ka NPP ha Tura, ka BJP haka ri

Jowai: Ka Election MP cha ka Lok Sabha, 2019 ha uni u snem da pynman haki 7 tylli ki bynta namo ki Phase kawa sdang nadooh ka 11-04-19 wei da pynkut haka 19-05-19 kawa man leh ka sien wa 17 wa pynman ya kani ka Election cha ka Lok Sabha.

Ka ñiaw Vote kawa sdang nadooh i step ynne ka sngi toh ya ki 90 Klur ngut kiwa em hok wow thap Vote iwa da ku da 9 klur na u 2014 wei kiwa da mih kamwa 67% wow thap Vote kawa man leh kawa boon dooh nadooh wa yoh yaka ri wei 13 Klur ngut toh kiwa dang thap Vote nyngkong.

Waroh kiwa yaleh MP da poi ki palat 8000 ngut na ki 543 tylli ki Seat wei sa ar ngut ye wow thung kam ki Nominated MP da u President ka ri.

Ha i jooh i por da pynan leh ya ki Election MLA haka jylla Andhra Pradesh, Arunachal Pradesh, Odisha wa Sikkim deilang waka Election MP wei ka ñiaw Vote ya ki leh u man ko haka jooh ka sngi ynne ka 23 tarik.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Waroh ki Constituency da em ki 543 tylli yaka Election MP cha ka Lok Sabha heiwa ka Uttar Pradesh toh kawa boon Constituency dooh kawa poi 80 tylli.

Yow yoh u chna sorkar ha Delhi emkaam wow jop 272 tylli ki Seat ka wi ka Party namo deiwa ya krehlang haka sorkar synrop.

Kam wow pynkynmoo ha snem 2014 ka Bharatiya Janata Party (BJP) kawa yahkhmat yaka sorkar NDA da jop ki 282 Seat na ki 543 tylli ki Seat katwa ka Indian National Congress da jop ko du 44 Seat hadooh wa ym em de kiwa yahkhmat yaka liang pyrchah neidaw wa emkaam ki wow jop 55 Seat kawa man 10%.

Ka ñiaw Vote ynne ka sngi da sdang ko nadooh 8 waje i step ha waroh kawi ka jylla.

Ha ka Shillong Seat ka yaleh da man hi ko hapyrdi u kyrtong ka Congress wa u kyrtong ka UDP, wei katkam ka ñiaw Vote wa pyndep haka First ha kiwa boon ki Constituency da tam u kyrtong ka Congress u Vincent Pala kam ha Nartiang, Amlarem, Jowai, Sutnga Saipung wei ha waroh kawi ka Shillong Parliamentary Constituency da tam u Vincent uwa da yoh 214674 Vote iwa man 54.03% wei da poi wa ar u Jemino Mawthoh u kyrtong ka UDP uwa yoh 142272 Vote iwa man 35.81% hadooh kattæ chwa.

Ha Tura won ka kyrtong ka NPP ka Agatha K Sangma dang tam ko ya u kyrtong ka Congress u Mukul Sangma heiwa ka Agatha Sangma da yoh ko 193870 Vote iwa man 50.79% katwa u Mukul Sangma da yoh u 159754 iwa man 41.85%.

Ha waroh ka ri won ka BJP da tam ko ha ki 291 tylli ki Constituency katwa ka INC da tam ko ha ki 50 tylli ki Constituency.