I poor wei i chah ktah ka ri Italy ha u khñiang COVID-19 dang joor i kat dang mih ki sngi wei da man ko ka ri kawa da chah ktah bha ha pyrthai hadien ka China.
Du ynnin ka 20 tarik hapoh 24 kynta da yap hadooh 627 ngut ki bru na uni u khñiang ha Italy, wei wa kini, waroh kiwa da yap hapoh ha kani ka ri em ki palat 4,032 ngut iwa da palat ya kiwa da yap ha China kiwa em 3,255 ngut.
Hapoh Italy kiwa da yoh ya uni u khñiang da em ki 47,021 ngut katwa ha China da em ki palat 81,000.
Kawi tawon ka ri kawa da chah ktah bha lait naka China wa Italy toh ka Iran heiwa da em 19,644 ngut kiwa yoh ya uni u COVID-19 katwa kiwa da yap won da kynjoh ki cha ka 1,433 ngut.
Ka France waka Spain leh man ki kiwi na ki ri ha Europe kiwa da chah ktah bha heiwa kiwa yoh ya uni u khñiang ha Spain da em ki 19,980 ngut wei da yap 1002 ngut katwa ha France kiwa yoh ya uni u khñiang da em ki 12,632 ngut katwa kiwa yap won da em kamwa 450 ngut.
Discussion about this post