U kyrtong samen na 18-Jowai North Constituency, u Khroo Lamsalanki Pariat hawa wan wow thap pyrtuid ynne ka sngi ha yung krehkaam u DC ha Jowai, da kyntu u ya ki paidbah wym toh u pynsepai ya ka Vote yong ki.
Yeini da ong u wa katkam ka Sixth Schedule wa toh u yada ya ka jaitbru tangwa wot ya ka kur ka jait wa chim na ka bei hadooh katni nadooh ka wa em JHADC ym pu ye ko u chna tang ka aiñ wow tipmit wei wow yada ya ka kur ki jait yong i.
Da ong u leh wa ki um ki wah wa toh u pait u yada da ka District Council kiwa man kyntang kam ka Myntdu ka Kupli tangwa ym em ki MDC wa bien u chna aiñ wow yada ya kini ki wah.
Da pynkynmoo u wa kani ka laad jied MDC man ko chisien san snem, kamtæ da khut u ya waroh wow khyrngiat hawa jied ya kiwa mihkhmat yow pynthymme ki da kiwi wei wow bichaar ya oo da ki kaam wa da leh u nachwa neibhah oo toh u khonswet u wym em ka spah ka phaw wei yow pynman leh ya kani ka Election kawa lait nei chah pynbiej ha ka poisa, i kiad kamjooh i drugs.
Discussion about this post