Hawa yoh u kylli na u kyrtong MP ka Congress, u Vincent H Pala hadien wa kut ka yalang yalap Election wa da pynman u ha Jowai haka 5 tarik heiyatoh yeiwa chah pynbaad u wa duna bha ki kaam wa leh u ha kini ki 15 snem wa da man u kam u MP.
Neiliang u Vincent da jubab u deiwa ong u lada da oo næ uwon uwon u bru leh ym ye u wow kreh hadooh kamwa kwah wei iwa emkaam ki bru tangwa da ong u wa chwa u man MP u, ka Meghalaya tang ka Airport leh ym em ko tangwa katni da yoh.
Da ong u leh wa chwa u man MP tang ka Shillong Bypass leh ym em, ka Jowai Bypass leh ym em, u sarok na Shillong-Nongstoin chadooh Garo Hills leh ym em, na Nongstoin cha Rambrai chadooh cha Ranikor wa kylleiñ kylleiñ da pyrchang u wow leh.
Nachwa ka High Court wa pura ka Meghalaya leh ym em dang ka yong Assam tangwa katni da yoh, nachwa ka Engineering College leh ym em tangwa deiwa kreh chitom ka Congress da yoh hadooh ka NEIGRIHMS ka NIT kiwa da ye wow wanrah hapoh ka jylla.
Da kdaw u leh wa ha Dawki ka Land Custom Station da ye u pynchna kawa da sahkut da boon snem wei ym du ha Meghalaya, da yarap u leh ya ki paidbah ka North East wow yoh kreh ki ha Delhi.
Chooh chooh da ong u wa hachwa wow man MP u leh duna bha ki College tangwa deiwa kreh wa kiwa boon ki seiñ niam da ye u wanrah kiwa boon jait College deiwa pynrap wa waroh ym em ye u wow kreh hadooh wa hun ki bru tangwa da kyrpaad u ya ki paidbah wow jied biang ya oo yow nang kreh chooh chooh u.
Discussion about this post