Tang kat ya kiwa kreh ha China Bazar ym tip pyrtuid u President ka MPUF: JSU & JYF

Jowai: Ki ar tylli ki seiñbhalang wa kynthup ya ka Jaiñtia Students’ Union (JSU) wa ka Jaiñtia Youth Federation (JYF) hadien wa sñiaw ki yei pynche paidbah u Dapoiwanmi Laloo President ka MPUF yei kamtre u ya ka dukan China Bazar wa em ha Iawmusiang Jowai, da pynsñiaw ki yei sñiawhylla yeini hadien wa oo ym tipmit u tang ya kiwa kreh yong oo wei ini da dai u pynda oo ya oo hi ha khmat ki paidbah.

Ini i pynche u Dapoiwanmi Laloo da pynche wa oo leh ym em de chaniah u pynda oo ya oo hi, neibhah

1. Ha ka sngi wa lai kynreh kot yaka dukan China Bazar u tre yong ka dukan China Bazar uwa man leh u baar jylla da ong won u wa oo toh u manager wei oo yoh tulop u kamwa T. 8000 chibnai na u malik yong oo, u wym tip pyrtuid u wei uni u baar jylla ym em u ya ki kot ki sla kam ka Labour License wa kiwi kiwi.
2. Hadien wa wanmih u Dapoiwanmi Laloo hapoh China Bazar da kam u wa kani toh ka yong oo ka dukan wei ym em wa ye wow tuklar da uwon uwon leh neibhah oo da biang u ya ki kot ki sla tangwa hadien won da ong u wa kreh lang (partnership) wa u baar jylla wei ya i yoh toh mar chiteiñ (50-50) heijooh i por won da ong u wa da dep thied u ya kani ka dukan hawa paan ya ki kot ki sla yow pynsakhiat yeini won ym ye u pynbiang ya ki kamjooh ya ki slip su tulop ya kiwa kreh u. Katwa kiwa kreh ong ki wa tipmit ki du ya u manager wa chong ha ka counter wei ya ka tulop leh da yoh ki na oo.
3. Ha ka tai ka sngi u Dapoiwanmi Laloo president ka MPUF ym em de burom u ya kiwa kreh ka JHADC wa kiwa thoh khubor, da phone u leh cha u OC ka Jowai Police Station yow wan ki hapoh ka China Bazar yow kem ya ki waroh neibhah da kam u wa psiah yabor ki hapoh ka dukan yong oo.

Hei yatoh won waka FIR wa e da u President ka MPUF wa hukum ya ki pulit wow sdang ya ka mukotduma pyrchah yaki wa yahkhmat ka JSU&JYF, ki arseiñ ym sñiaw pyhylla yeini wei ki yieñ ki ha ka yurim wow yada ya i hok ki tre ri hei khayi pateiñ.

Kani toh katkam ka khubor wa phah da ki arseiñ lyngba u Tricky Mukhim Pulicity Secy. JSU wa u Bright Star Chyrmang Joint Secretary ka JYF.

Related posts

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

U phah ka India ya 7 ngut ki MP na waroh ki Party wow lai cha ka UN yow batai yei yieñ pyrchah ya ki Terrorist  

May 17, 2025