U Symbood Montri Rangbah ka jylla, u Prestone Tynsong ynne ka sngi da khyrwit kylla u ya ka Voice of the People Party (VPP), deiwa ong wow kiar nei leh Politics ya ka kaam wa yatoh wa kyrriah ya ki 342 tylli ki manyung na Them Metor, Them Iew Mawlong cha i thaw wa mantre da ka Shillong Municipal Board (SMB).
Hawa yaklam wa kiwa thoh khubor, u Prestone da ong u, “Sangeh noh kattu da biang, ki paidbah ki sñiawthooh ki rap bha wei da kyntu ya kini kiwa yahkhmat wym toh u sñiawthooh bakla wei ymtoh u yah bakla ya ki paidbah ka jylla.
Da ong u wa kitu kiwa yahkhmat kiwa kynthah yei rai yong ka sorkar da lehke Politics pathan ki khlem da tip yei sakhiat wei khlem da tip yei em ki tnoom yung ha katai ka thaw, wei pynrap u wa ym kwah wow yania næ pynlut por ya kam ini i jait klam.
Da ong u wa i emkaam thaw biang sa 1.4 Acre ym mut wow e mynkna cha kitai ki bru tangwa u man bait hapoh i pait ka Shillong Municipal Board neibhah ini toh i thaw yong ka Municipal Board.
Chooh chooh u Symbood Montri Rangbah da ong u wa ka VPP ym toh u yah bakla ko ya ki paidbah, wei kattu da biang ham klam pynsñiawthooh bakla de ya ki paidbah.
Hawa yatoh wa i klam yong Adelbert Nongrum wow e kti cha ka VPP ya kani ka kaam, u Prestone da ong u iyi u leh ki hawa tang u ‘A’ u ‘B’ leh ym tip ki wei kwah ki du wow pyrchang yow yah bakla ya ki paidbah wei lada kwah ki yei pynche smat ki wow yachem wa ki.
Puræ leh: La dang dei pyndem ka sorkar ha kiwa sah ha Them Metor bha u ieh manda wan ka VPP hei bor: Adelbert
Discussion about this post