Tdem pum ka nongbah New Delhi hadien wa kut ka lehkmen Diwali

I tdem wa rben da tymmoh i ya ka nongbah New Delhi ynne i step hadien i thang bomkala Diwali ha National Capital Region (NCR) iwa da pynman bih ya ka la’ær.  

Ka Diwali kawa man ka lehniam Hindu toh kawa da lehkmen ha kylleiñ ka India ynnin ka sngi hajrong wa em ki kyndon neibynta i thang bomkala tangwa ka nongbah New Delhi da sakhi ko yei thang bomkala waroh chi miet.

Ynne i step i man i long ka la’ær namo ka Air Quality Index da palat i ya ka 350 iwa joor namo wa man “Severe” iwa ktah bha yei chait i khiah ki bru katkam wa kheiñ ka World Health Organization (WHO).

Ha u bnai wa dadep ka Supreme Court da booh ko ya ki kyndon neibynta ka Diwali heiwa da phah wow pynemkaam ya ki “Green Firecrackers” wei wow thang ya ki bomkala du hapoh le kynta. 

Ka nongbah New Delhi toh kawa sah ki 3 klur ngut ki bru wei man ko kawi na ki sor wa khynñia bru dooh. 

Related posts

Yap u khynnah nei pdung bomkala heipor wa lehkmen Diwali

November 9, 2026

Lai pynsangeh ka KSU ya kiwa thang bomkala hadien wa da kut i por wa booh

November 9, 2026

I neh i tdem khamtam hei tlang toh nei kjam, i duna i bor ka la’ær wa beh wa ye u kit ya i tdem chawi.  

Ynne ka sorkr da pynemkaam ko da ki kari wow siat da ka um wa kyrpang wow pynkhooid ya i tdem ha kylleiñ ka Delhi.