I lehkmen Diwali dapoi i chei sñiawsih ya kawi ka manyung ha Narela, Delhi hadien wa u khynnah uwa dang 10 snem da dooh noh u yei mynsien hadien wa u slap (Anar) wa ksoh u ha kti da pdung syndet u ha pchem yung ki ha i miet ka 8 tarik.
Ka yung uni u khynnah da pynbaad ko leh ya ka Hospital wym em chimkhia ki wei kamjooh leh ya ki pulit wym em e yarap ki.
Katkam wa pyntip ki pulit, ini da jia i heipor 9:45 i miet ka 8 tarik heiwa uni u khynnah dang ksoh u ya u slap ha kti wa tip leh kam u Anar dei ktien Hindi tangwa ym tip yei daw heiwa da pdung u iwa da wanrah yei mynsoo joor yei bynta wa ha rupai uni u khynnah.
Ha ini por wa jia kiwi leh kiwa chiyung wa uni u khynnah da ksoh ki ya u slap ha kti tangwa ha ki ym em jia iyi iyi.
Tangwa katkam wa ong ka bei uni u khynnah wa heipor wa jia da thang slap, da thang bomkala wei uwi u Rocket won da hær wei da pdung u ha rupai uni u khynnah
Ya uni u khynnah da kit wut-wut cha Hospital heiwa da pynbna wa da khlaad noh u heipor 10:50 i miet heiwa ki pulit da chimkit ki yei metyap yow phah leh Post-Mortem.
U payu uni u khynnah da pynbaad u wa ka Hospital ym em da Examine bha ki dei miat wei wow sumaar smat ya oo yow lait u wow yap wei ki pulit leh ym em e yarap ki ha ini i por wa chem chitom ki heiwa da phah liwan ki ki na Hospital hadien wa chimkti ki yei metyap.
Discussion about this post