Ka Thadlaskein Football League 2024 wa pynman da ka Thadlaskein Sports Association (TSA) ha Wahiajer Multi Sports Complex, da pteiñ ya ka ynne deiwa pynman sa ar tylli ki yalehke Pre-Quarter.
Ka Pyllonginkhaw SC da jop ko ya Tryshang SC deiwa yachut Tie-Breaker da 5-4 , hadien wa da kut i yalehke da 0-0.
Ha ka yalehke wa ar, ka Nongkhroh Krem Kum leh da jop ko ya ka Lurshai Larnai da 3-1 deiwa yachut Tie-Breaker hadien wa da kut ka yalehke da 2-2.
Ya ka Lurshai Larnai da yoh thap da u Treyomi Kharsohnoh ha ka minit wa 9 wa u Remember Khongiong ha ka minit wa 29 katwa ya ka Nongkhroh Krem Kum da yoh thap da u Debin Kharsati ha ka minit wa 13 wa 62.
Da ini i jop, ka Pyllonginkhaw wa ka Nongkhroh Krem Kum da yoh ki wow psiah Quarter Final.
Ki yakhun Pre-Quater Final wa khaddooh u pynman ki mynstep ar tylli:
Dongmihsngi Vrs Niriang (12:00 PM)
The A Team Vrs Malngiang SC (2:00 PM)
Discussion about this post