15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Thai i sur wow pynpsiah ya ka ktien Khasi ha ka 8th Scheduled

0 Comments
Advertisement ad1
Advertisement ad1
Advertisement ad1

Shillong: Ki yaklam wow dawa wow pynpsiah ya ka ktien Khasi ha ka bynta wa phra (8th Schedule) yong ka riti synchaar ka ri ym poi ko cheiwon cheiwon leh hadooh kini ki sngi hanlada ka sorkar jylla da thaw ko leh ya ka Committee la kattu katni snem nachwa neibynta ini i thmu.

Nadooh u snem 1972, i yakhun wow dawa ya ka ktien Khasi wow pynpsiah noh ko ha ka riti synchaar ka ri India dang pteiñ i hadooh ynne ka sngi wei ki soskular wa phah dei langær cha ka sorkar jylla wa cha kiwa mihkhmat cha ka Dorbar Parliament wow leh ki yeiwa emkaam heiyatoh wa ini.

Advertisement ad1

Wow pynjoor wow pynjanai yei dawa, ynne ka sngi 5 tarik, ka seiñ kiwa thoh Khasi hapoh ka lama ka Khasi Authors Society da chim noh ki ya ka rai wow lai pyn-eh-rngu paidbah wa nyngkong ya i ktien Khasi, iwa da wan yachim bynta ki seiñ waphær waphær na Khasi wa Jaiñtia Hills, ki khynnah skur, ki wa mihkhmat wa kiwi kiwi.

Ya ini i lai paidbah da sdang na Jaiaw Community Hall hadooh Madan Student Jaiaw.

Chwa wow sdang da em ka yalang ha Jaiaw Community Hall, heiwa u Syiem ka Hima Nongstoin u Paiem Phylla Sing Syiem da e klam u kam u kongsan wei ya kani ka yalang da pyllai da u President ka Khasi Authors Society u Dr. DRL Nonglait, wei da yoh leh yei klam na u Secretary ka seiñ u Phrikshon Kharsiing wa kiwi kiwi.

Hei klam u Paiem Phylla da ong u wa ka ktien Khasi toh kawa emkaam bha wow pynim ya ka jaitbru neibhah lada yap ka ktien ka jaitbru leh da yap hi ko.

Katwa u Dr. Sylvanus Lamare uwa man uwa kitkaam ka Khasi Author Society da ong u wa lada tipmit ya ka ktien Khasi chiboon iwa ye u leh i wow myntoi ya ki paidbah neibhah ha u snem 2004 ka sorkar BJP da em i thmu ko wow pynpsiah namo wow tipmit ya ka ktien Khasi hapoh ka riti synchaar tangwa hadien wa kylliang ka sorkar cha ka Congress da thung won da ka Special Committee wow pyrkhat wow leh kammon hei yatoh weini.

U Dr. Lamare da ong u wa ka Reserve Bank of India leh da sdang ko u thoh da i ktien Khasi hei yatoh wa ki kaam poisa kamjooh leh kiwi kiwa haap u klam dei ktien Khasi.

Iwi won i eh i khoo iwa da ong u Dr. Lamare toh wa yachem ki toh wa ki paidbah hi ym em u dawa ki wow pynkrehaam ya kani ka ktien Khasi donhi, iwi won i daw toh wa yei ktien ym em u chimkhia u esikai hadooh class XII, wa kiwi kiwi.

Ha kani ka lai paidbah, da yachim bynta ki khynnah skur, ki wa sikai, kiwa mihkhmat paidbah, wa kiwi kiwi.

Share this:
Previous

Ka yelehke U-14 ha pyrdi ka Khliehmyntang wa ka 7 Wasa

Next

U dam noh ka KSU wa ka HYC wow thoh wei wow klam dei ktien kiwi hawa ya chem sahep sorkar