Ka Hynniewrep Youth Council (HYC) da pynman ko ya ka yalang wow beiñ wei pyrchah ya ki ar ngut ki MLA ka HSPDP kiwa da kyrchaan ya ka National People’s Party (NPP) wow chna ya ka sorkar.
Ha kani ka yalang wa da pynman ha ka thaw pynyieñ kari hajan u Motphran,Shillong wei da thang leh ya ki dur bula ki 2 ngut ki MLA, u Methodius Dkhar na Mawshynrut wa u Shakliar Warjri na Mawthadraishan.
Neiliang u General Secretary ka HYC, u Roy Kupar Synrem da ong u wa i leh kini ki ar ngut toh da thok ki ya ka jaitbru neibhah da em i angnood wow yoo ya ka sorkar wa em u Montri Rangbah da u Khasi.
Da ong u wa kani ka yalang toh wow beiñ ya i leh kini ki ar ngut ki MLA, wei dang em i por ya ki wow uiñ wei wow dam u kyrchaan ya ka NPP.
