Uwi u bru wa ksoh ya ka lama Tibet hakhmat ka Headquarter ka United Nations ha New York da yap u hadien wa thang u pyn ya-oo hi ha ka 2 tarik uni u bnai heiwa ki pulit da yoh yutip ki lyngba ka 911 heipor 6:30 i janmiet wei da chem ki ya u bru wa 52 snem uwa da iñ, da ong ka New York Police Department.
Ya uni u bru da kit cha hospital tangwa da yap noh u hadien.
Neiliang ki pulit wa takit yeini da ong ki wa ympu ye u tip yei daw wa leh uni u bru kamni wei ympu em pynmih ki yei pyrtuid u neibhah wympu ye u pyntip cha kiwa ha-yung u yeiwa jia.
U Spokesperson ka United Nations da ong u wa ini da jia i hadien wa kut ki yalang wa boon ka UN.
Ka China da kam ko wa ka Tibet man ko chibynta yong ka China nadooh ki snem 1300 wei ka Communist Party da synchaar ko ya ka nadooh u 1951.
Kiwa boon won ki nong Tibet da ong ki wa da man ki kiwa laitlooid wei ka China da kwah ko ya ki mar poh-khyndaw yong ka.
Discussion about this post