Shillong: I thap pyrtuid ki kyrtong wow yakhun ya ka election da pteiñ i wei ynne ka sngi da em sa 16 ngut ki kiwa da thap pyrtuid wa kynthup leh ya soo ngut ki MLA wa katni.
Ki kyrtong wa da thap pyrtuid ynne ka sngi kynthup ki ya u Kennedy Cornelius Khyriem (INC) na Mawphlang, u Diosstarness Jyndiang (HSPDP) na Nongstoin, u K Phlastingwell Pangniang (HSPDP) na Rambrai Jyrngam, u Rophul S. Marak (Ind) na Rongara Siju, u Donkupar Sumer (UDP) na Umsning, u Samuel M. Sangma (Ind) na Baghmara, u Dr. Bestonder C.Lyngdoh (Ind) na Mawkyrwat wa u John Danly Sangma (NCP) na Ranikor Constituency.
Hawa yoh u yaklam wa u Kennedy C Khyriem da pynsñiaw u wa dang kyrmen u wow jop biang ha kani ka Election neibhah wa ki paidbah dang pdiang ki ya oo neidaw ki kaam kiwa da leh u ha ka constituency.
U Khyriem uwa man leh u president ka Congress East Khasi Hills da pynsñiaw u wa ka Congress daw wan biang ko heibor hadien ka Election deiwa kob wa ka party daw jop ko ha kamwa 32 Constituency.
Da ong u wa i mih ki kattu katni ki MLA ym ktah ko ya ka party neibhah wa da em kiwi won kiwa da psiah cha ka Party heithaw yong ki deiwa pynksan wa daw wan biang ka Congress ha ka sorkar hadien ka Election.
U Khyriem da ong u leh wa ka Congress khlan ko wei daw yakhun ko ha waroh ki Constituency.
Discussion about this post