U Daniel Wahlang da wan thap pyrtuid u ynne ka sngi ha DC Office, Shillong wow yakhun ya ka MDC Election cha ka KHADC na Mawsynram Constituency.
U Daniel uwa man kam uwa yahkhmat warim ka BJP da mih noh u na ka Party wei da man u uwi u na ki rangbah ka thaaiñ Mawsynram uwa da jooh ya embynta ha ki kaam imlang sahlang wa ha ki kaam paidbah wei kam uwa yahkhmat seiñbhalang ha ki por nachwa.
Hawa klam hadien wa dadep thap pyrtiud, u Daniel da ong u wa ka daw bah kawa da ktik ya oo wow mih madan ha kani ka Election toh neidaw wa em u ka thong wow pynkhlan wei pynskem yaka riti dustur, ki bor synchaar hima, ki bor chnong wa ki Raid.
Da ong u wa ymye de wow paitke yei leh yong ki MDC ha kini ki snem wa da lai wei da ong u leh wa kayi kawa da maitphang u Rev. JJM Nichols Roys, ki MDC ympu yei ki wow pynmankaam hadooh katni. Da ong u wa emkaam ya ki aiñ kiwa biang wei kiwa khlan yow pynkhlan ya ki Hima, ki Raid wa ki chnong tangwa sñiawsih wa boon ym pu em ki aiñ wa pura.
Heijooh i por da ong wa ki aiñ yong ki chnong da kut noh du hapoh chnong wei ym embor cha baar wei kani man kamwa mynsoo wei da booh hei maa.
Discussion about this post