Jowai: Ynne ka sngi u MDC ka Jowai South, u Moonlight Pariat da thap pyrtuid u kam u kyrtong ka UDP na 2-Jowai Constituency.
Ya u Moonlight da synraan da ki spah ngut kiwa kyrchaan ya oo kiwa da lai kjat nadooh i yung sah u hadooh wa poi ha yung krehkaam u DC ka West Jaiñtia Hills.
Hadien wa thap pyrtuid u ha u Returning Officer, da yaklam u chipor wa kiwa pathai khubor.
Neiliang u Moonlight da ong u wa iwa kongsan dooh wow kreh u toh neibynta ka umdih kam ka Jowai Water Supply Scheme wa ka Myngngot Water Supply Scheme, kamjooh leh daw thooh ya ki laad wow booh ya ki thaw sikai ya ki khynroo khyllood ha ki bynta wow ye ki wow seiñ khih dei yongki dahi ya kawa tip leh kam ka Skill Development.
Heijooh i por da ong u wa oo daw thooh u ya ki laad wow pyndep noh ya ka Iawmusiang kawa da sahteiñ waroh chi kattu.
Discussion about this post