Thap pyrtuid u Sanbor na ka BJP, kob wow yoh synchaar biang ha Delhi

Shillong: U kyrtong ka Bharatiya Janata Party (BJP) wow yakhun ya ka Election MP cha Lok Sabha na Shillong Parliamentary Seat, u Sanbor Shullai da thap pyrtuid u hakhmat u Returning Officer, u Abhishek Bhagotia. Ya u Sanbor da synran lang da kiwa yahkhmat ka BJP Meghalaya, kynthup ya u MLA u AL Hek wa u State President u Shibun Lyngdoh.

Hawa yaklam wa ki laad pathai khubor u Sanbor da pynsñiaw u sñiawskem wa u jop u ha kani ka Election deiwa kam wa ki paidbah ha ka ri India dang pynyoo ki yei chaniah ha u montri rangbahdooh, u Narendra Modi.

Da ong u wa ki paidbah ha Meghalaya leh ki toh u jied ki ya ka BJP neidaw waka Party ka daw yoh ko wow synchaar biang ha Delhi. Da ong u wa lada jop u ya ka Election daw yaklam u neibynta wow pynbait noh ya u pood u ang ka jylla uwa da sahteiñ nadooh wa da yoh ya ka jylla.

Chooh chooh hawa kylli da ong u wa ka BJP ha ka phang krehkaam Election yong ka Election MLA ka da booh thong wa lada ka wan ko ha i bor daw pynlait ya i chah khang tih mooyong hapoh 6 bnai tangwa hadooh katni ym ye u leh ya ini neidaw wa ka BJP em ko du ar ngut ki MLA.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Sanbor da ong u wa ka BJP toh ka National Party wei ka hap ko wow sai ya u kyrtong ha ka Election hanlada ka Party ka emlang ko waka sorkar MDA, kawa man ka sorkar synrop kawa da rai wow kyrchaan ya u Jemino Mawthoh na ka UDP kam u kyrtong wa hunlang.

Nalor u Sanbor Shullai uwa thap pyrtuid naka BJP, ynne ka sngi sa uwi u kyrtong samen u Romeo Phira Rani da thap pyrtuid u wow yakhun MP Election na Shillong Parliamentary Seat.