Thmu thung kreh sop-sop ka JHADC wa da jan ka Election MDC: JSU & HYC

Jowai: Ki ar tylli ki seiñbhalang ka Ri-loom Jaiñtia wa kynthup ya ka JSU wa ka HYC – Jaiñtia Hills District da chem wei sakhi ki yei leh buit-tooh ka JHADC hajrong i thmu ka Executive Committee hapoh i yahkhmat u MB Rymbai kam u CEM wow thung kreh sop-sop ha kiwa boon tylli ki kyrdan hapoh ka JHADC khlem kawon kawon ka pynbna paidbah namo Advertisement kawa man chalait yong ka mang tyngka (Budget).

“Ini i leh ka JHADC toh wow pynbiej ya ki paidbah wow riñ ya kiwa thap Vote du neidaw wa da jan ka Election MDC 2019,” da ong kiwa yahkhmat kini ki ar seiñ wa kynthup ya u Lawyerson War wa man kam u President ka JSU wa u Mewot Suchiang wa man u President ka HYC-JHD.

Ki ar seiñ da pynsñiaw ki yei phylla wa ya ka Interview kawa da thmu wow pynman ha MDC Hostel, Riatsasim, Jowai da kyrriah noh cha Khliehtyrshi Secondary School du chikynta hadien wa da yoh yutip kini ki ar seiñ wei da pyndep ya ka Interview du hapoh kattu katni por mar ya wan kiwa kitkaam ka seiñ ha Khliehtyrshi.

Chooh chooh da ong ki wa kamwa da tip wa ka Council chitom poisa ko, wot wow su ya ka tulop cha kiwa kreh yong ka tæ kammon won u yoh poisa ko wow su tulop ya ki bru wa da thung sop-sop.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Heijooh i por da ong wa ini i leh da lai lait i ya ka Council Service Rule 1981- Chapter IV wei neiliang kini ki ar seiñ daw booddien ki ya kani ka kaam hadooh wa che waroh wei daw leh yeiwa emkaam katkam ki kyndon ka aiñ.