Thoh ka All India Mahila Congress cha u Conrad wa u Himanta wow chimkhia u pynlait ya kiwa tih mooyong wa sahkut

Ka All India Mahila Congress lyngba ka President yong ka ka Sushmita Dev da thoh ko cha u Montri Rangbah ka Assam u Himanta Biswa Sarma wa cha u Montri Rangbah ka Meghalaya u Conrad Sangma yow leh ki yeiwa emkaam yow ye u pynlait ya kiwa tih mooyong kiwa da sahkut hapoh ka krem mooyong wa em ha East Jaiñtia Hills nadooh ka 30-05-21.

Ha ka chithi wa da phah cha ki Montri Rangbah ki ar jylla da ong wa hanla i yaleh wow thooh ya kini kiwa dang sahkut da sdang i tangwa tangwa ym pu em chem ya ki.

ADVERTISEMENT

Da ong leh wa arngut na kini kiwa sahkut toh kiwa na Assam wa kynthup ya u Anwar Hussain uwa na Najatpur, Katigorah wa u Abdul Sukkur uwa na Badarpur kiwa ym em pu em chem ya ki la 5 sngi nadooh wa wiar ki.

Chooh chooh da ong wa kiwa hayung hasem kini toh kiwa da sñiawsih kthang na ini i jia kiwa da yooluti wa daw chem ya kiwa wiar.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Kam wow pynkynmoo wa katkam wa khana kiwa sakhi kiwa man leh kam kiwa ya krehlang ha kani ka paar mooyong, hadien wa pdung Dynamite hapoh kani ka krem mooyong da chlai um syndet heiwa da em 5 ngut ki bru hapoh heipor wa jia ini.

Katkam wa pyntip won ki pulit ka East Jaiñtia Hills, 4 ngut na kiwa chah kset toh kiwa na Assam katwa uwi won toh uwa na Manipur.