Ka JSM da thoh ko cha u Montri Rangbah ka jylla yow pynmih biang yei kreh Assistant Sub Inspector (UB) hapoh ka Meghalaya Police neidaw wa ha kiwa boon ki Outpost lane ki Beat House ka Meghalaya Police da em du uwi u Sub Inspector lane arngut kiwa hap wow pait ya ki thaw wa heh heiwa da em leh uwi u Head Constable wa kajiak ngut ki Constable iwa man iwa eh yaki wow leh yei kaam yong ki.
Da ong leh wa ka Meghalaya ye u man du ka donhi kawa ym em i kreh Assistant Sub Inspector (UB) iwa da pyndam daka sorkar jylla 15 snem nachwa.
Chooh chooh da ong leh wa hapoh ka Meghalaya Police Department ym yoh ki Head Constable yei pynku kyrdan cha i kyrdan Sub Inspector neidaw wym em i kyrdan Assistant Sub Inspector (UB) wei da hap chong ngiah ki ha i jooh i kyrdan iwa da ktah yei yoh myntoi heiyatoh waka poisa.
Da kdaw leh yaka Report u I.T. Longkumer, IPS (Retired) Chairman Committee on Police Reforms kawa ong wa ka sorkar Meghalaya da pyndam ko yei kreh Assistant Sub-Inspectors of Police. Heiwa da ong leh wa lada pynmih biang ya ini daw yarap ko yaki pulit wow krehkaam ki rap bha wei i pyndooh yei kreh ASI da khanglaad ko leh wow ku kyrdan ki Constable.