15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Thoh ka KSU cha ka CISCE yow pyndam noh yaka kot ISC Sociology wei wow pynchitom ya kawa thoh

0 Comments

Ka Khasi Students’ Union – Central Executive Council da thoh ko cha u Chairman ka Council for the Indian School Certificate Examinations (CISCE) yow pynsñiaw yei wym ye u pdiang kamjooh yei chrai yaka kot skur “ISC Sociology” neibynta ki Class XII wa thoh daka Manjir Ghosh wei da pynmih daka Kalyani Publishers.

Ka seiñ da ong ko wa ha kani ka kot da thoh bakla wei da pynsñiawthooh bakla ko yaki paidbah chaphang ka dustur riti ka jaitbru Khasi. Iwa da thoh bakla ha kani ka kot da kynthup ko nadooh i chongkha chonman iwa da pynchrai yaka Union kamjooh yaka jaitbru Khasi waroh kawi.

Ka KSU da dawa ko wow pyndam noh u pynemkaam ya kani ka kot ha waroh ki ISC Board wa em hapoh ka ri neibhah da kheiñ poh leh yei long i man ki kynthai Khasi. Da dawa leh wow phah yaka Kalyani Publishers wow dam u pynlai yaw ya kani ka kot wei wow pynche paidbah yeiwa thoh ha kani ka kot.

Chooh chooh da dawa leh wow pynemkaam daka aiñ pyrchah ya kawa thoh ya kani ka kot ka Manjir Ghosh kawa thoh da ki wym toh suda chaphang ka jaitbru Khasi.

Share this:
Previous

Da ka Ngooh Blai Yung wa nyngkong pyndep ka Seiñ Raij Raliang ha Saphai

Next

Ki kaam lute hapoh ka jylla