15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da ka Ngooh Blai Yung wa nyngkong pyndep ka Seiñ Raij Raliang ha Saphai

0 Comments

Ka Seiñ Raij Raliang ynne ka 15 Wisu (March) da pyndep ko ya ka Ngooh Blai Yung (Pynyieñ Blai) wa nyngkong ha chnong Saphai heiwa ym haap de u chim ya i Khoh Blai Khoh Syiem na yung tre heiwa ka kur Suchiang da pynyieñ pynkhai ko ya ki Khoh Blai Khoh Syiem pana seiñ hi ki daki hi katkam wa batai khana pynche kiwa kheiñ wa khai uwa thmat wa trong katkam i sikai ki warim wajah nadooh nyngkong i pyrthai wa haap u pynchong pynthiah ya u Khoh Blai Khoh Syiem hapoh i yung i sem. 

Kamtæ kam wow pynkynmoo ha waroh ki por wa dadep hawa mih Yung Thymme hap u chim Blai na yung tre bait wa heijooh i por hawa leh Niam leh rukom haap u pyndep heitæ i yung tre la sah ki cheiwon cheiwon i chnong leh hap pyndep ki ya ka Niam cha katai ka yung tre wa mih ki, kani booh ko chiboon i eh ya kitai kiwa mih yung thymme.

Katni won dei pyrkhat wa thymme katkam wa lai ka juk ini waroh chong ki ha ki tre yung wa mih yung la chim ki leh hoi hi lym chim ki leh hoi hi deiwa pynyieñ ki daki yaki hi jar jiar i yung yong ki dang man chooh pathan iwa bha tam.

Kani pynsuk ko chiboon ya kiwa mih yung thymme heiwa ka Seiñ Raij da ye ko u bood u kylli Blai ya ini i rukom wa sikai ki warim nadooh dang lung i pyrthai kani dang pynskem chooh chooh ko ya ka Niam ka rukom wa pynchong ki warim wajah. 

Ha chwa wow pyndep ya ka Niam ka rukom da em ka yalang wa tbian heiwa da pyllai ya ka da u Binroy Dkhar President Seiñ Raij, da yoh yei klam na u Kñi yong ka kur Suchiang u Sikel Suchiang, Dr. M Tyngkan, ka Aimaya Synnah, wa kiwi kiwi.

Ha kani ka sngi da emlang leh ka Seiñ Raij Saphai heiwa da e ko ya ka Pliang-naar cha yung, da yoh leh i klam na u Pynbait S Passah katwa ya i Ngooh Blai da yoh na u Hamjhan H Dkhar General Secretary Seiñ Raij Raliang.

Share this:
Previous

Phah khang ka Assam sa yaki skur waki University

Next

Thoh ka KSU cha ka CISCE yow pyndam noh yaka kot ISC Sociology wei wow pynchitom ya kawa thoh