Thoh ka VC ka NEHU cha ka DGP wow kyrriah noh ya ki pulit na kani ka skurbah

Ka Vice Chancellor (In-charge) ka North Eastern Hill University (NEHU), ka Prof. SM Sungoh da thoh ko cha ka DGP ka Meghalaya wow kyrriah noh ya ki pulit wa ki chipai pulit (Central Armed Police Force) na kani ka skurbah. 

Ynne ki bor District ka East Khasi Hills da wanrah ki ya ki pulit wa ki CRPF hapoh kani ka skurbah hadien wa chah dat yei u professor yong ka Hindi Department wei i em ki pulit da pynchrai i ya ka NEHU Students’ Union (NEHUSU) kawa da dawa na ki District Magistrate wow kyrriah noh ya ki pulit wa em ha kani ka skurbah.

Ha ka chithi cha ka DGP ka Prof. Sungoh da ong ko wa da tip ko lyngba u Security Officer ka NEHU, Shillong Campus ea em chiboon ngut ki pulit hapoh ka NEHU Campus, Shillong khlem tip ko yeini.

Related posts

Yoh kawi na ki skur warim tam ka WKH ya ka yung wa thymme

April 15, 2026

Sdang ka Self-Defense Training ya ki khynnah kynthai ha West Jaiñtia Hills

April 15, 2026

Da ong ko wa i em ki pulit da wanrah i yei wym chngaaiñ wei i tieñ hapyrdi ki khynnah.

Kamtæ da kyntu ko ya ka DGP wow kyrriah noh ya ki pulit khnang wow wanrah yei chongsuk hapoh kani ka skurbah.