U President ka Hamro Sikkim Party (HSP), u Bhaichung Bhutia da thoh u cha u Montri ka sorkar pyrdi wa pait ya ka chnat Road Transport & Highways (MoRTH), u Nitin Gadkari hajrong i sih u sarokbah NH10 uwa pynyabi ya ka Siliguri wa Sikkim.
Ha ka chithi u Bhaichung Bhutia da ong u wa u sarok da sih u hadooh kattæ wa ymye de wow khut ya oo kam u sarok, heiwa da sakhi ya kiwa boon ki kaam tyrrah kari.
U Bhaichung da ong u wa katkam ka ‘Road Accidents of India 2020’ da kdaw wa ka jylla Sikkim toh kawa joor i yap nei tyrrah kari iwa kynjoh cha ka 10.2, katwa ha ka ri (National Average) won du 5.1.
Katkam ka NRCB Report 2021, i tyrrah kari ha Sikkim da ku i da 13% na ka 108 sien ha u 2020 cha ka 122 sien ha u 2021, deiwa em 178 ngut kiwa mynsoo wa 64 ngut kiwa yap.
Ha u 2022 hadooh u Naisan, da em 33 ngut wa yap wa 72 ngut won da mynsoo joor ki.
Chooh chooh u Bhaichung da kdaw u wa u Rameshwar Teli, uwa man u Montri khynnah ka sorkar pyrdi uwa pait ya ka chnat Ministry of Petroleum and Natural Gas da wan u cha Gangtok, heiwa oo leh da ong u wa u sarokbah NH10 na Siliguri cha Rangpo da man uwa sih bha wei da kular u leh wow thoh cha u Montri heiyatoh wa ini.