15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Thoh u Madal Sumer cha u Conrad wow dam u elaad ya ka CIL u tih mooyong ko hapoh jylla

0 Comments
Advertisement ad1

Jowai: U Madal Sumer na Panaliar, Jowai da thoh u cha u montri rangbah u Conrad Sangma hadien wa yoh yutip u wa ka sorkar Meghalaya daw e laad ko ya ka Coal India Ltd. (CIL) u psiah chapoh ka jylla deiwa pynemkaam ya i stat ka Central Mine Planning & Development Institute (CMPDI) kawa man kam ka Company ka CIL ka wow kreh yow pynryntih yei rukom tih mooyong hadien wa wai yei khang tih mooyong.

Kamjooh leh u pynemkaam ya ka CMPDI yow pynkhreh ya ka Coal Mining Plan ya ka sorkar jylla.

U Madal da ong u ha ka chithi cha u Conrad wa i rukom man ki thaw ki bhaw phær ki ha ri-loom Jaiñtia na ri-loom Garo nadooh i rukom lai ki paar mooyong hadooh i rukom man tre ya ki thaw leh.

U Madal da ong u wa katkam ka yutip wa yoh u, ha ka Mining Plan ka jylla wow pynkhreh da ka CMPDI da ong ha i thaw wa heh (0.5X0.5) Km2 daw chah du le tylli ki thaw wa ye u siam thlu yow poi cha ki paar mooyong. Kamtæ da ong u wa duna bha ki bru wa em thaw wa heh hadooh kattæ wei man kiwa khih mooyong em ki i thaw wa khian kiwa hapoh 1 Hectare donhi.

Kamtæ da ong u wa i thih mooyong napoh khyndaw toh ka wym ktah ya ka rymaw wei ka sorkar toh u pyrkhat ko wow booh ki kyndon kiwa yatoh jar jair ki paar mooyong wei ya ka Mining Plan u pynkhreh da ki tre yow lait u haap bood du kawi donhi ka kyndon wei ymye hi du kawi ka Mining Plan u krehkaam ko ha waroh kawi ka jylla wei daw em kiwa ym yoh u khih mooyong wa kiwa daw dooh.   

Da ong u leh wa hapoh Shillong em ki thaw puræ puthi kiwa sñiawthooh ware ya i rukom man ki thaw ki bhaw wei ka sorkar ye ko u paan yarap na ki yow man ka khih mooyong kawa yohlaad lang waroh u kreh ym du ya kiwa heh spah.

Share this:
Previous

Ym em i tih namo i chalan tooh ya u mooyong ha Jaiñtia Hills: HANM-EJH

Next

Pynkup burom ka Shangpung Pohshnong ya u Comingone Ymbon