theme-sticky-logo-alt
theme-logo-alt
Advertisement ad1
Advertisement ad1

Ym em i tih namo i chalan tooh ya u mooyong ha Jaiñtia Hills: HANM-EJH

Advertisement ad1

Jowai: Ka HANM East Jaiñtia Hills da pynche paidbah ko wa ym em iwon iwon i chalan tooh namo i tih mooyong tooh da ki paidbah wa chong chnong ka Jaiñtia Hills waroh kawi kamwa da pynbaad da ka seiñ North East Indigenous People Federation ha ki laad pathai khubor.

Ka HANM da khyrngiat ko wow tip wa mih kam kani ka khubor tangwa i sakhiat hi wa ym em kam itæ wa da pynbaad wa chalan tooh næ tih mooyong tooh dang pteiñ i ha ri-loom Jaiñtia neibhah ki paidbah kani ka thaaiñ burom ki ya ka hukum ka NGT wei ym em i tyngkheiñ aiñ wot na ki paidbah hadooh ki pulit kiwa kreh miet wa sngi wow pyntikna wym em i tih namo i kit mooyong tooh.

Advertisement ad1

Chooh chooh u Shaniahlang Suchen uwa man kam u General Secretary ka HANM EJH da ong u wa iwi wa sñiaw phylla wa i pynbaad ka NEIPF wa u Officer in Charge ka Khliehriat Police Station khrong poisa u na ki truck kit mooyong tooh kamtæ u Shaniahlang da pynche paidbah u wa ym em kam ini wei tip che leh wa uni u OC wa man katwa man ym chah u ya kiwon kiwon ki bru wow tih næ chalan tooh ya u mooyong iwa man pyrchah ya ka hukum ka NGT.

Kamtæ ka seiñ da beiñ joor ko ya kam ini i pynbaad wa khlem yurim.

Share this:
Previous

Da pynman ya ka Dorbar Kur Warjri kawa 22

Next

Thoh u Madal Sumer cha u Conrad wow dam u elaad ya ka CIL u tih mooyong ko hapoh jylla