I jia iwa da pynkhuslai ya kiwa boon ki manbei manpa kamjooh ki khynnah skur hadien wa kawi ka khynah skur da khana ko wa chah lute ko ha ki bru wa em soo ngut kiwa da pynyang ka da ka tari ha rdang iwa da jia ha ka 25-08-25 ha Lumiablot, Nongthymmai heipor wa dang liwan yung ko na skur hadooh wa da mih leh i yoo wyrai ya kani ka khynnah na ki bru paidbah.
Katkam ka FIR da ong wa kani ka khynnah da chah lute ko Rs. 300 wei da takit yeini wa jia da ki pulit ka Rynjah Police Station.
Hei takit bniah ki pulit wei deiwa yah leh ya kani ka khynnah hakhmat u Magistrate yow chim yeiwa khana ko yeiwa jia, da phla ko wa kani ka poisa toh kawa da e cha ka da ka lok ko yow thied tiar Online tangwa neidaw wa pynlut ko ka kani ka poisa, da chna ko da kani ka parom wa chah lute ko.
Da ong ko leh waroh iwa da khana ko heipor wa mih khubor toh iwa thok donhi ko.
Neiliang ki pulit da ong ki wa i e FIR deiwa thok man ko leh pyrchah ya ka aiñ wei daw leh ki yeiwa emkaam.
Kam wow pynkynmoo wa ini toh i sien wa ar wa jia kamni heiwa kawi ka khynnah skur da thok ko wa chah dung ko da u thyrnia heipor wa liwan skur ko iwa da jia ha Jaiaw.
Puræ leh: Heipor sngi chah lute ka khynnah skur ha Shillong deiwa chah pynyang tari
Discussion about this post