Thooh ka HSPDP ya u MDC yong ka uwa wiar

Shillong: I wiar syndet u MDC ka HSPDP u Blandingstar Warjri da pynlyngoh ko ya ka party hadooh wa ar ngut ki MLA yong ka party, u K.P. Pangiang wa u D. Jyndiang, da wan ki bran bran cha KHADC ynne ka sngi wow thooh ya u lok MDC yong ki.

U Pangniang da khana u wa chwa wow sdang ka dorbar ka KHADC, u Blandingstar da wiar u khlem chemdien de hadooh ynne ka sngi wei neiliang ka party leh da pyrchang phone ki oo tangwa man i iwa sepai.

Da em leh wa suba wa u MDC ka Mawthadraishan da chah rahbor u chwa wow sdang ka dorbar ka KHADC hadien wa da khih da kyrbeh ka kaam ha KHADC.

Kini kiwa yahkhmat ka HSPDP da pyntip ki leh cha ki pulit ka Sadar PS hei yatoh wa ini.

Related posts

Ym yoo deiwa em ka VPP daw man ko iwa eh ha ka Election MDC: Sniawbhalang

November 2, 2024

Cha Mumbai, Bengaluru wa Hyderabad pynkhreh ka sorkar wow pynhær lieñsuiñ na Umroi

November 1, 2024

Da ong ki wa kam u lok MDC ka party sñiawkhia ko ya ini i wiar u Blanstader neibhah ka party em ko i bahkhlieh heiyatoh wa u dkhot yong ka.

Hei yatoh won wa i wiar u ye i u yatoh wa da lai kyrchaan u ya ka Executive Committee wa yahkhmat u Pynshngain N Syiem deiwa pyrchah yei rai ka party, u Pangiang da ong u wa ymtip ki yeini neibhah oo leh da man u kam uwi na kiwa soi pyrtuid wow dam u kyrchaan ya ka EC u Pynshngain.

Da ong ki leh wa ympu ye u pynbaad yeiyi yeiyi leh hei yatoh wa ini embynta i ha ka kaam saiñ hima.