Ha iwi i jia chah pynyap wa sñiaw chyrkhei, kawi ka khyllood da chah pam ko da ka wait hadooh wa da yap ha uwi u bru hapoh ka chnong Samgong, Williamnagar ynne ka sngi Thohdieñ.
Uni u bru wa chah pynbaad wa leh yeini i kaam pynyap bru da tip pyrtuid kam u James R Sangma uwa na ka chnong Dawagre, Williamnagar, uwa da yut wei ym pu chemdien hadooh kattæ.
Kani ka kynthai toh kawa dang lai skur wei da chah thombor ko hakhmat ki paidbah, iwa da pynpaar snieh ya ka imlang sahlang ha ka thaaiñ.
Neiliang ki pulit da pynman ki yei kdong ya uni u bru wei da pynbna ki leh ya ka khusnaam song poisa ya kiwon kiwon kiwa pyntip yow ye u kem ya u James. Ki pulit da kular ki leh wo murieh yei pyrtuid kiwa pyntip.
Ka takit kattæ dang lai ko chakhmat wei yei daw yong ini wa chah pynyap leh ym pu tip.
Discussion about this post