Jowai: Ki bor pyllai District yong ki artylli ki district ka West Jaintia Hills District wa ka West Karbi Anglong District Assam ynnin ka sngi da pynman ki ya ka yalang ha pyrdi ki ar bynta ha Forest IB ka Khanduli yow yaklam hajrong ki eh ki khoo ki paidbah ka thain Khanduli wa yachem ki.
Ini da mih i hadien wa pynthut ki pulit Assam haka por wow chna ya artylli ki sarok ha ka chnong Khanduli kawa da sahteiñ hadooh ynne ka sngi wei da pyrchang ka sorkar ka Assam wow chna ya ka check gate ha khappood ka Assam wa ka Khanduli.
U DC ka West Jaintia District u R. Rapthap, u ADC D.M. Wahlang, u SP R. Muthu IPS, u DFO J.M. Pohsngap wa kiwi ki ophisar sorkar da yachem ki wa ki sahep wa u DC ka West Karbi Anglong District u Deepak Kumar Barua, u SP M. Sharma, ki ADC u P.S. Jaharih wa u ADC C. Zamad, u Deputy Secretary West Karbi Anglong Autonomous Council u Dilip Teron.
Neiliang u DC ka West Jaintia da pyntip u wa da yaklam chaphang u sarok na Khanduli cha Mokoiram wa kawi yow poi cha Ritangsanphaw wa chna naka scheme Pradhan Mantri Gram Sadak Yojna (PMGSY) lyngba u contractor R.Dhar kawa da yohmyntoi bha ki paidbah nadooh ka tayaw wa nyngkong u March wa daw sdiang biang nadooh u bnai Wisu (March).
Discussion about this post