Shillong: Ka seiñ Bharatiya Janata Party (BJP) kawa yoh ar ngut ki MLA ha ka Election wa dang dep man hapoh jylla thmu ko wow pynieñ kyrtong ha waroh ki Constituency ha ki le tylli ki District Council wa ha ki ar tylli ki Parliamentary Constituency ha Lok Sabha.
Hawa yaklam wa kiwa pathai khubor u montri ka sorkar jylla, u Alexander Laloo Hek da ong u wa ka party daw yakhun bait ko ha waroh ar tylli ki Election wa kynthup ya ka MP wa ka MDC ka wow man ha uni u snem wow wan.
Chooh chooh da ong u wa lada ka BJP jop namo rem ko, tangwa emkaam wow yakhun bait ko wei ini chong i ha ki kyrtong wa ka Party sai ko, deiwa pynrap wa katkam wa man katni ha Meghalaya ki paidbah ym jied de ki ya ka Party tangwa wa u bru.
Da ong u leh wa ka party dang bichaar bniah bha ko wow yoh kyrtong da kiwa biang neibynta ka Election wow wan, deiwa ong wow pynkhlan ya ka Party wow pynjop ya ki kyrtong wei da lai i chaaid chaaid.
Discussion about this post