15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Thrang ka NPP wow yakhun ha ki le jylla kamjooh leh ya ka MP Election na kylleiñ ka ri

0 Comments
Advertisement ad1

Jowai: Ka National People’s Party (NPP) ynnin ka 21 tarik da chong yalang ko ha nongbah New Delhi wow pynkhreh ya ki luti krehkaam ka seiñ neibynta ka Election ha ki le jylla ka Mizoram, Rajasthan, Madhya Pradesh wa ya ka Lok Sabha Election ha u snem 2019.

Ka National Executive Meeting ka NPP wa da chongknor da u National President yong ka Party uwa man leh u montri rangbah ka jylla Mehalaya, u Conrad K. Sangma hei emlang kiwa kitkaam ka seiñ na kylleiñ ki jylla mihsngi wa na Rajasthan, Bihar, Tamil Nadu wa Maharashtra.

Kani ka yalang toh wow pynkhlan ya ka Election Committee wei wow thooh ki luti wow pynkhlan ya ka ha waroh kini ki le tylli ki jylla ki wow em Election ha kini ki bnai wow wan.

U Conrad da kyntu u ya kiwa kitkaam ka Party wow kreh ki neibynta wow wanrah yei kaam pynroi cha ki bru kiwa khian paaid ha ka ri waroh kawi.

“Ka NPP toh ka party wa Thymme tangwa du ha ki por wa tbian da ye ko wow pynsñiaw wa khlan ko ha ki thaaiñ mihsngi wa ha Rajasthan. Emkaam wow kreh i bor wa mynsien wow yatylli wei wow wanrah yei sur wa klam ya ki kaam pynroi khamtam ya kiwa khian paaid wa kiwa tlot bor ha ka imlang sahlang,” da ong u Conrad.

Ha ka yalang da rai wow yakhun ha Mizoram tangwa ympu em u rai na katwon tylli kiCconstituency wei dang yapynbait ko wa kiwi ki seiñ ri loom wow yakrehlang chirup. Da rai leh wow booh kyrtong na ki Constituency na kylleiñ ka ri India neibynta ka Election Lok Sabha ka wow wan wei ka Election Committee da ebor ha ka wow chim ko ya ka rai hajrong ini.

Ki heh yong ka NPP da pynkupburom ki leh ya ki ynñiaw ngut ki MLA ka party na Arunachal Pradesh, kiwa da psiah cha ka party dang ini wa dep. Heiyatoh wa ini u Conrad da pynsñiaw u yei mynsien wa kmen wa da ye u krehlang wa kiwi ki Party ri-loom khnang wow ye u wanrah ya ki phang ki paidbah ka thaaiñ mihsngi chaphrang.

U heh warim yong ka Congress na Meghalaya, u Martin Danggo, da emlang u ha kani ka yalang National Executive Meeting ka Party heiwa da pynkup burom leh ya oo kamjooh.

Advertisement ad1

0 Comments

Leave a Reply