Ka sorkar Meghalaya ynne ka sngi da thung kreh ko ya ki soo ngut na ki san ngut ki MLA ka Congress kam ki Chairman hadien wa psiah wei kyrchaan ki ya ka sorkar MDA.
Kawa yahkhmat ka CLP ka Ampareen Lyngdoh ym pu em pyntip dei yi e ya ka tangwa da antaad daw man i deiwa rap heh kam kawa yahkhmat ki 5 ngut ki MLA ka Congress.
U PT Sawkmie wa u Mohendro Rapsang da thung ya ki kam ki Co-Chairmen ka Meghalaya New & Renewable Energy Development Agency (MNREDA).
U Mayralborn Syiem da thung ya oo kam u Co-Chairman ka Meghalaya Industrial Development Corporation (MIDC) katwa u Kimfa Marbaniang da thung kam u Co-Chairman ka Meghalaya Government Construction Company (MGCC).
Kini ki 4 sngi ki MLA kiwa da chah thung kam ki Chairman daw yoh ki yei myntoi hapoh ka kyrdan A+ Category nadooh i rukom su wa kiwi de ki myntoi.
Ki MLA warim kitæ u Limison D Sangma wa u Billykid A Sangma da thung ya ki kam ki Co-Chairmen ka Meghalaya State Planning Board (MSPB). U Dr. Raju Azad da thung ya ka kam u dkhot ka MSPB.
