Ynne ka 6 tarik ka chnong Mukhaialong da thung ko 200 tylli ki tre dieñ ha ki thaw wa dang syllen hapoh ka khloo Um Symphu Community Reserve .
Ini i thung dieñ man ko chibynta wow lehwarom yaka sngi kyrpang ka bei rymaw namo ka World Environment Day kawa da ya chimbynta lang wa ki dkhot ka Executive Body ka chnong, ki Self Help Group wa ki paidbah chong chnong.
Ya ki 150 tylli ki tre dieñ da e naka yungkrehkaam ka DFO Wild Life Social Forestry Jowai wa 50 tre won da pynbiang da ka chnong.
Ha ini i thung dieñ da chimbynta chongchit lang da waroh, wei neiliang u waheh chnong da e khublei u ya kiwa ya chimbynta waroh wa yaka yungkrehkaam ka DFO Jowai pynkut ka kyrwoh na u Secretary Chnong.