15 49.0138 8.38624 1 0 4000 1 https://wyrta.com 300 0

Advertisement ad1

Advertisement ad1

Thung dieñ ka KSU Iooksi haka Kupli Park

0 Comments
Advertisement ad1

Jowai : Ka Khasi Student’s Union Iooksi Unit ynnin ka sngi 6 tarik da leh warom ko yaka World Environment Day ha Kupli Park, Iooksi. Da pynman yei thung dieñ ha rood yong kani ka Park wei kamjooh leh i pynkhooid yaki soodong kani ka Park.

Ha kani ka sngi ki khynnah puræ ka Iooksi Center School Organisation (ICSO), ki nongsikai, kamjooh leh wa kiwi tawan ki skur ka chnong Iooksi da wan chimbynta ki.

iooksi-wed2

iooksi-wed3

Ha chwa u thung dieñ da em ka yalang wa pyllai da u N. Sutnga, Adviser KSU Iooksi Unit, hei emlang u Nehemaya Tyngkan uwa man leh kam u kongsan ha kani ka sngi. Da yoh leh yei klam na u J. Paul Lyngdoh, Education Secretary KSU JHDU, u Return Passah, President ICSO, u H. Pachiang Secretary ICSO wa na u Iaemlang, Secretary, KSU Iooksi Unit.

U J. Paul Lyngdoh hei klam yong oo ong u wa emkaam u pynman ya kam ini i thung dieñ khamtam hei emlang ki khynnah skur yow sñiawthooh ki yei emkaam u pynneh pynsah weiwow sumar ya ka.

Da ong u leh wa kamwa man katni ki loom da syllen ki du nei leh ki bru wa kwah rhah kiwa pyrkhat du yaka poisa. Neibhah lada ym em ki dieñ ki siej, ki mrad waroh daw dooh jait noh ki hadooh wa daw poi ipor wa i kam ki bru leh daw wiar jait i.

U kongsan ha kani ka sngi ong u waka chnong Iooksi toh nachwa kawa yirngam bha wei dadap sadu ki dieñ ki siej wei man ko kawa miat bha. Ka wah Kupli leh jooh man ko kawa miat bha kawa jooh em leh ya ka Umchit (Hotspring) kawa jooh wan ki bru wa boon yow sum haka yow wiar i mih khniang ha ki wa kiwi ki kjut wa em ha ka sniehdoh yong ki.

Da ong u leh wa waroh ini da wiar i du nei leh u bru wei suki suki da dooh i ya iwa boon wa da e ka rymaw wei kani ka thaw daw man ko kam ka “Paradise Lost.”

Advertisement ad1

0 Comments

Leave a Reply