Ka Bharatiya Janata Party (BJP) da thung ko ya u Mariahom Kharkrang wow man kam uwa e ktien yong ka Party ha Meghalaya.
U Kharkrang uwa man leh u heh Pulit IPS uwa da chong-ngiah, dang ini wa dep da psiah u cha ka seiñ BJP wei da yoh u leh wow man kam u dkhot yong ka CEC ka BJP Meghalaya.
Deilang wa u Mariahom Kharkrang, da thung leh ya u Gregory F. Shullai wow man kam uwa e ktien ka BJP ha Meghalaya. U Gregory man u leh kam u Chief Conservator of Forest ka sorkar Meghalaya uwa da chong-ngiah, wei ya ini da pyntip da u President ka BJP ha Meghalaya u Ernest Mawrie ynnin ka sngi.
Kam wow pynkynmoo wa u Mariahom Kharkrang toh uwi na kiwa paan Ticket na ka BJP neibynta wow yakhun Election MLA kawa daw man ha u snem 2023 kam u kyrtong na North Shillong Constituency.
