Thung ka KHADC da ka Committee yow pait kammon u phiah ya ki MDC Constituency

Ka Khasi Hills Autonomous District Council (KHADC) da thung ko da ka Delimitation Committee ka wow pynbait wei pynbiang yow kheiñ deiwi yei heh i khian yong ki Constituency katkam i boon bru wei katkam i em kiwa thap Vote.

Ya kani ka Delimitation Committee da thung hadien wa e bor u Lat ka jylla, u Phagu Chauhan hajrong ka chithi wa da phah da ka Council yow pynbait thymme noh ya ki 29 tylli ki Constituency katkam i em ki chnong wa kiwa thap Vote.

Kani ka Committee toh kawa daw khlieh da u Dr. S. Kharsyiemlieh uwa man kam uwa bichaar warim ka yung kasari ka District Council, wei ki dkhot kynthup ki ya u Dr. S.L. Marbaniang, MLA warim, ka R. Myrboh kawa man kam kawa sikai skur kawa da chong ngiah, u Dr. DRL Nonglait uwa sikai Khasi ha NEHU wa u M. Kharkrang, Secretary warim ka KHADC u wow man kam u Secretary.

U Deputy Chief Executive Member wa pait ya ka chnat Aiñ ha KHADC, u Pynshngain N Syiem, da khana u wa i kyrpaad ka Council ya u Lat ka jylla da mih hadien i yoh pdiang yong ka Council yei thoh na ki chnong waphær waphær yow pynbait thymme noh ya ki Constituency.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Da khana u wa i thung ya kani ka Delimitation Committee toh yow pynbait ryntih noh ya ki Constituency katkam i em ki chnong wa kiwa thap Vote yow pait deiwi yei emkaam wow rah ya ki chnong na kawi ka Constitueny cha kawi.

Hawa kylli lada ini i thmu daw ktah ko ya ka Election MDC kawa daw man ha ki bnai wa sdang yong u snem 2024, u Pynshngain da ong u wa i pynbna wow pynman ya ka Election ym pu em mih i, wei katni u chong ha ka Delimitation Committee wow pyndep smat yei kaam wei da ong u leh wa iwa da pynbna leh ka Council ym em booh por tangwa da kdaw donhi wow leh smat katwa ye.