Thung ka Shillong Lajong da uwa na Spain kam u Head Coach wa thymme

Ka Shillong Lajong Football Club da thung ko da u Jose Carlos Rodriguez Hevia kam u Head Coach wa thymme.

U Jose Carlos Rodriguez Hevia toh uwa na Spain wei u man u kam u Head Coach neibynta ka samoi 2024/25.

U Jose da wan biang u cha ka Lajong hadien wa nachwa da yarap u wow pynjop ya ka Shillong Premier League waka Meghalaya State League ha u snem 2019.

U Jose toh uwa em ya ka UEFA Pro license Coach wei da man u kam u Coach la 25 snem ha kiwa boon ki Club wa em ha Spain.

Da jooh man u leh kam u Technical Advisor ki Arsenal Soccer Schools ha India nadooh u November 2014 hadooh July 2016 deiwa em ha Pune. Wei heini i por da embynta u waka Indian Super League Team ka FC Pune City nadooh u February 2015 hadooh July 2016.

Related posts

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Pdengshakap Football Tournament: Psiah Quarter Final sa ka Border Line FC waka Pohplet FC

February 1, 2026

Neitæ won da lai u cha ka I-League Club, ka Minerva Punjab ha ka samoi 2017 wei da embynta u ha ka Junior wa Senior Team wei da ya krehlang u wa kiwa yalehke kiwa da mihkhmat ya ka India haka FIFA Under-17 World Cup wa da pynman ha India ha u snem 2017.

Hadien ini da lai u cha ka Minerva Punjab wei da kreh u neibynta ki kaam hapyrdi ka Madhya Bharat Sports Club waka Celtic Soccer Academy.

Chwa wow wan biang u cha ka Lajong kattæ, da em u hapoh ka ri Colombia heiwa da man u kam u Manger ka Gobernación del Atlántico neibynta ka samoi 2022/23.