Heiyatoh wa i yakhih wa da pynman kiwa sikai ka Pine Mount School nadooh ynnin deiwa rah lama yong heiwa ynne da wan wow ksohkti sa ki manbei manpa ki khynnah kani ka skur hajrong wym biang ki paikhana, ka um wa kiwi de ha kani ka skur, neiliang ka sorkar da ong ko wa da dep thung da ka Enquiry Committee yow takit ya ini waroh.
Katkam wa pyntip u Dr. BDR Tiwari, Commissioner & Secretary, Education Department ka sorkar Meghalaya da ong wa ka sorkar tip ko ya ini waroh hapoh ka Pine Mount School wei da thung ko da ka Enquiry Committee ha ka 1 tarik uni u bnai kawa em soo ngut ki dkhot wa khlieh da u R. Rapthap, Secretary ka chnat Education yow takit yei chem chitom kiwa sikai wei wow phah smat yeiwa chem ka takit cha ka sorkar.
Kamtæ ka sorkar da kyntu ko ya kiwa sikai wym toh u pynman ya kawon kawon ka jait yakhih neibynta i suk i chngaaiñ ka skur.
