theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Ym sñiaw emkaam u Conrad wow jubab yei maham mih noh ka BJP naka MDA

U Conrad K Sangma uwa man u Montri Rangbah ka jylla, da ong u wa ym man iwa emkaam wow pynuiñ nia yei klam samen yong uwi na kiwa yahkhmat yong ka BJP kawa ya krehlang hapoh ka sorkar synrop Meghalaya Democratic Alliance (MDA).

Kam wow pynkynmoo wa uwa yahkhmat ka BJP uwa pait ya ka Party ha Meghalaya, u M Chuba Ao, da ong u wa ka BJP daw dam noh ko wow kyrchaan ya ka sorkar MDA ha ki kajiak por wow wan, wei hadien itæ daw phah wow takit ha ka chnat Enforcement Directorate (ED) wa Central Bureau of Investigation (CBI) hajrong ki kaam baamtooh yong ka sorkar.

Hajrong ini i klam uni uwa yahkhmat ka BJP, neiliang u Conrad uwa man leh u President wahehdooh ka NPP da ong u wa waroh chi kattu ka BJP leh ka krehlang ko hapoh ka sorkar wei ym toh wow mylliñ ki wa lada kdaw kti ya ka sorkar, da kdaw ki leh ya idæ.

Da ong chooh chooh wa kani ka sorkar hawa leh ko iyi iyi da leh hawa che, wei ym yahaap wow pynbaad wa ka BJP ka klam pyrchah ko ya ka sorkar, neibhah da klam du uwi uwa yahkhmat, boi ini i yaklam yong uwa yahkhmat ka BJP ye u man wa em u yei daw samen, neibhah wa kamwa da yoo wa wot ki MLA wa kiwi kiwa yahkhmat ka BJP ym yahaap ki ya iwa da klam uni uwa yahkhmat yong ki.

Puræ leh: Thmu ka BJP wow dam noh u kyrchaan ya ka sorkar wa yahkhmat da ka NPP ha Meghalaya

Share this:
Previous

Thung ka sorkar da ka Enquiry Committee heiyatoh waka Pine Mount School

Next

I chah Charge Sheet ki dkhot ka HNLC ha ka NIA ym ktah i yei yaklam yasuk: Conrad