Ka sorkar Meghalaya ynne ka sngi da pynbna ko wow kyrriah kreh noh ya ki sahep IAS wa MCS ka jylla nadooh ki DC, SDO wa kiwa ksoh kaam hapoh ka Secretariat.
Ka DC ka Ri-Bhoi ka Rosetta Mary Kurbah, IAS da kyrriah ya ka wei da thung noh ya ka kam ka Secretay ka sorkar ha ka chnat Health & Family Welfare Department.
U Abhilash Barnawal, IAS uwa man katni kam u ADM wa pait ya ka Amlarem (Civil) Sub-Division, Amlarem da thung noh ya oo kam u Deputy Commissioner ka East Jaiñtia Hills.
U Ramakrishna Chitturi, IAS uwa man kam u Deputy Commissioner, South West Garo Hills District, Ampati da thung noh ya oo kam u Joint Secretary ka sorkar hapoh ka chnat Finance wei daw man u leh kam u CEO ka Meghalaya State Rural Livelihood Society.
U Arpit Upadhyay, IAS uwa man katni kam u ADM wa pait ya ka Pynursla Civil Sub-Division, Pynursla da thong noh ya oo kam u Deputy Commissioner wa thymme ka Ri-Bhoi District.
U Shivansh Awasthi, IAS uwa man katni kam u Sub-Divisional Officer (Sadar) Ri-Bhoi District da kyrriah ya oo wei da thung noh kam u Under Secretary ka sorkar Meghalaya hapoh ka chnat Finance. Daw man u leh kam u Under Secretary ka sorkar hapoh ka chnat Sports & Youth Affairs.
Ka Evarinia L Warjri, MCS kawa man katni kam ka ADC, East Khasi Hills District da thung noh ya ka kam ka ADC wow pait ya ka Pynursla Civil-Sub Division, Pynursla.
U Lanalang K. Diengdoh, MCS uwa man katni kam BDO ka Mawkyrwat C&RD Block wa EAC ka South West Khasi Hills District da kyrriah wei da thung ya oo kam u EAC ka West Jaiñtia Hills District.
Ka Yvette Mawlong, MCS kawa man katni kam ka EAC, Amlarem (Civil) Sub-Division, Amlarem da thung noh ya ka kam ka SDO, Amlarem (Civil) Sub-Division.
U Isagahah Lawrniang, MCS uwa man katni kam u EAC ka West Jaiñtia Hills District da thung noh ya oo kam u EAC ka South West Khasi Hills District wei daw man u leh kam u BDO ka Mawkyrwat C&RD Block.
