Ka sorkar Meghalaya da pyntip ko ynne ka sngi wa da thung noh ko ya u Hamletson Dohling kam uwa e buit namo u Adviser u Montri Rangbah ka jylla, u Conrad Sangma.
U Hamlet kam u Adviser daw yoh u ya ki myntoi hapoh ka Category ‘A+’ katkam wa pyntip u Secretary ka Secretariat u Chief Minister.
Kam wow pynkynmoo wa u Hamlet toh u MLA warim ka Mylliem Constituency uwa da jop ha u 2018 na ka PDF tangwa ha kani ka Election MLA da psiah wei da yeiñ yaleh u na ka NPP.
U Hamlet da rem noh u ha u kyrtong ka Congress, u Ronnie V. Lyngdoh uwa da ye u Hamlet wow pynrem ha u 2018.
Ha Mylliem ha uni u snem ka yaleh da man ko kawa yathaiñ bha heiwa u Ronnie uwa yoh 8904 Vote yow jop u da 38 Vote ya ka kyrtong ka VPP ka Aibandaplin F. Lyngdoh kawa yoh 8866 Vote katwa u Hamlet da yoh wa le u deiwa yoh 8712 Vote.
