Jowai : Ka yalang kawa da pynman ha Mawhati Constituency, Ri-Bhoi District ynne ka 20 Naiynñiaw da man ko kawa lai bait wa heiwa kamwa 500 ngut ki bru da wan chimbynta chongchit ki na kylleiñ ki chnong kani ka Constituency.
Ya ka yalang da pyllai da u State Vice- President ka seiñ uwa man leh kam u Incharge ka Ri-Bhoi District u Bashailang Khongwir.
Da yoh yei klam na u State President u ma Shibun Lyngdoh, u State General Secretary u David Kharsati, na u State President ka BJYM u ma Egenstar Kurkalang, ki waheh na ka thaiñ u ma C. Shadap uwa man leh kam u President ki 22 tylli ki Dorbar Chnong. Ki ktien kyntu na u Tbn. P.M. Pamshong wa kiwi kiwi.
Ha kani ka yalang da rai wow jied ya u ma Banbuhai Makdoh kam u President wa thymme ka Mawhati Mandal. Da yoh ya ki kyntien e khublei na u District President u Duruth Majaw.
Discussion about this post