Shillong: I klam e khublei ya u symbood Lamphang ka KHADC ynne ka sngi da thut i hadien wa ka MDC ka Congress na Nongshken, ka Grace Mary Kharpuri da pynsñiaw ko yei pyrchah hajrong i chah pynbaad u Chairman, u PN Syiem ha u Deputy CEM, u Pyniaid Sing Syiem kawa da mih ha ki khubor.
Hawa klam ekhublei, ka Grace da ong ko wa ka kaam wow pynlai ya ka dorbar toh katkam ki aiñ ki kyndon khlem i yachah chiliang yeiyi yeiyi leh, tangwa da pynsñiaw ko leh yei sñiawsih wa u Dy. CEM u da pynbaad ya u Chairman wa toh uwa chah liang wow dai sarom ya ka Executive Committee hadooh wa da ujor leh cha kiwa hajrong ka Party.
Heitæ i por da yieñ u MDC ka UDP na Sohra, u Titosstarwell Chyne wow pyrchah ya ini i klam ka Grace deiwa ong wa ymtoh u klam yeini kam heini i por wei lada kwah u klam yeini emkaam wow wanrah ha iwi i por hajrong kawi ka phang wei yeini da kyrchaan leh da u CEM, u Teinwell Dkhar.
Tangwa ka MDC ka Congress ym em pynjem ko deiwa ong wa ka chuki ymtoh u chah chiliang ko wei ya u Chairman leh da jied deiwa yahunlang da waroh wei ym poipyrkhat wow chah thaad ha u Dy. CEM lyngba ki laad pathai khubor neibhah wa pynlai bait u ya ki kaam.
Discussion about this post