Ka FIFA da pyntip ko ynne ka sngi wa da chim ko yei rai wow pyndam noh yei beh seiñ chipor namo wow Suspend ya ka All India Football Federation (AIFF) hadien wa da pynbait yei krehkaam ka AIFF heiwa da yoh biang ka Executive Committee wow pynlai da ka hi yei kaam i jaam khlem da em de i pynthut.
Ka FIFA da pyntip ko leh wa ka U-17 Women’s World Cup 2022 kawa da pynbait wow sdang nadooh ka 11 tarik u Naichiphaw ha India u lai bait ko kamwa da pynbait.
Ka FIFA da chim ko ya ini i rai hadien wa ka Supreme Court ka India da pynmih hukom ko yow pyndam noh ya ka Committee of Administrator wa da thung da ka yung bichaar hi yow pynlai yei kaam ka EC ka AIFF wei da lai bait leh yow pynman Election yow jied President wa thymme kamjooh kiwi ki dkhot kawa da toh u pynman noh ha uni u Naikhynde wow wan.
Kam wow pynkynmoo wa ka FIFA da Suspend ko ya ka FIFA ha ka 15 tarik uni u bnai.
Puræ leh: Pyndam ka Supreme Court ya ka COA, da e kti biang ha ka AIFF, hap pynman Election noh
